Reading Time: 2 minutes
Magaalada Muqdisho waxaa dhowrkii bilood ee lasoo dhaafay ka curtay Shirkado ka macaasha lacagta isku-bedelkeeda ama suuqa sarifka taasi oo loo yaqaan”FOREX” waxaana ay shaqo abuur u noqotay dhalinyaro badan oo kolkii hore macal la’aan ahaa.
Iyadoo ay taasi jirto ayaa shirkadaha ka shaqeeya suuqa Sarifka lacagaha qalaad ee FOREX waxaa soo wajahay culeeys uga imaanaayo Al-shabaab,waxaana durba Hubaal Forex lagu amray in ay bixiyaan lacag culus oo ay ka dalbadeen.
Muqdisho Online ayaa loo xaqiijiyay in lacag gaareeysa 4-milyan oo dollar ay shirkada Hubaal Forex siisay Kooxda Al-shabaab lacagtaan ayaa lagu soo waramayaa in ay soo dalbadeen Al-shabaab,waxaana Gudoomiyaha Shirkadaasi uu amray in si deg-deg ah loo bixiyo.
Shirkad walbo ee ka shaqeeysa Magaalada Muqdisho islamarkaana leh dhaqaalle xoogan ayaa la sheegay in ay bixiyaan lacagtaasi,si ay uga nabad-galaan Al-shabaab.
Dhanka kale xog-hoose oo aynu helnay ayaa waxaa ay sheegeeysaa in Xubno ka Tirsan Dowlada Soomaaliya ay soo jeediyeen in la xiro Shirkada Hubaal Forex maadaama ay Al-shabaab siisay lacag aysan Dowladu ka helin.
Dad badan ayaa si aad ah u dhaliilsan Talaabada Shirkadda Hubaal Forex,waxaana ay sheegeen in lacagtaasi ay bixiyeen lagu iibin doono qaraxyo lagu gumaado Shacabka reer Muqdisho.